ezenek

1) Geýimiň ýakasy.

∙ Bu ýigidiň ezeneginden tutup alyp gidenler. (Ata Salyh, Saýlanan eserler)

∙ Baýyň hemlesini eşiden Mawy onuň sözüni soňlamagyna maý bermän, ezeneginden çekdi. (B. Kerbabaýew, Aýgytly ädim)

∙ Myrat köplenç wagt ýa ezenegini ýyrtdyryp, ýa ýüzüni biraz dyrnadyp, ýa-da: --Almydyňy alaýmadyňmykaň! -- diýip, edermenlik bilen hasanaklap gelerdi. (B. Kerbabaýew, Yhlasa-Myrat)

2) Çuwalyň, haltanyň we ş. m. zatlaryň agzy, ýokary gyrasy.

∙ Agyp ýatyr ezenegi. (K. Gurbannepesow, Goşgular)

Ýazuw düzgüni: Soňuna çekimli ses bilen başlanýan goşulmalar ýa-da -räk goşulmasy goşulanda, k sesi g sesine öwrülýär.

Meselem ezenek - ezenegi.

◊ ezenegi agmak — Hor-homsy ýagdaýda bolmak.

∙ Onuň ezenegi agypdyr.

◊ ezenegiňi agdyrmak — Üst-başyňa eňetmezlik, ykjam bolmazlyk, ýerli-ýerinde bolmazlyk; özüňi oňarmazlyk.

∙ Annaguly donunyň ezenegini agdyryp, pagta ugrady. (A. Durdyýew, Saýlanan eserler)

∙ Ezenegini agdyryp ýörse, näme diýersiň! («Sowet edebiýaty» žurnaly)

∙ Çuwal ezenegini agdyryp, tärimden asylyşyp ýatyrdy. (B. Kerbabaýew, Aýgytly ädim)